الرئيسيةالبوابةمكتبة الصوربحـثالتسجيلدخول
أفضل 10 أعضاء في هذا المنتدى
غـرور أنثـى
 
شـ(غ)ـب أنـثــى
 
إحساس ابن الوليد
 
ســ الأوريــ ســد ـــة
 
**هـديـل**
 
شاب اتعسه القدر
 
محمود بنيان
 
SAINT
 
MoON-LovE
 
:-*مجنون:-*
 
المواضيع الأخيرة
» صور ديكور مشبات 2015
الخميس نوفمبر 30, 2017 12:22 am من طرف اسير الغربه

» ديكورات مشبات صور مشبات 0504379394
الإثنين ديسمبر 28, 2015 6:33 am من طرف اسير الغربه

» مشبات الرياض مشبات 2016
الإثنين ديسمبر 28, 2015 6:32 am من طرف اسير الغربه

» امرأة من الذهب...
الأربعاء يوليو 23, 2014 12:29 pm من طرف إحساس ابن الوليد

» كل عام وانتم بألف ألف خير
الأربعاء يناير 01, 2014 7:24 am من طرف عبير الورد

» رسالة الى نعمة الله
الجمعة أبريل 19, 2013 4:32 pm من طرف إحساس ابن الوليد

» خدمة تخطى البروكسي للاي باد والايفون واجهزة الجلاكسي
الخميس فبراير 14, 2013 3:23 pm من طرف ريمو86

» موت الشمس...
الأحد نوفمبر 11, 2012 3:45 am من طرف إحساس ابن الوليد

» سلاح حبيبتي...
الأحد نوفمبر 11, 2012 2:58 am من طرف إحساس ابن الوليد

احصائيات
هذا المنتدى يتوفر على 634 عُضو.
آخر عُضو مُسجل هو اسير الغربه فمرحباً به.

أعضاؤنا قدموا 17202 مساهمة في هذا المنتدى في 2604 موضوع
ديسمبر 2017
الأحدالإثنينالثلاثاءالأربعاءالخميسالجمعةالسبت
     12
3456789
10111213141516
17181920212223
24252627282930
31      
اليوميةاليومية
المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 79 بتاريخ الإثنين نوفمبر 26, 2012 12:43 pm

شاطر | 
 

 حفلة زجل ثلاثية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لعيون الشبح



عدد الرسائل : 161
sms :
تاريخ التسجيل : 17/06/2009

مُساهمةموضوع: حفلة زجل ثلاثية   الثلاثاء سبتمبر 29, 2009 10:55 pm

الشعراء هم
ااسامة السمرة (بو خليل) .......... سوريا
ابو علي .......... سوريا
وعادل خداج ا(بو مدين).......... لبنان


عادل:
يا اسامة وبو علي بحس وحسيس .......... اشبعنا كلام مسايرة بجو الانيس
ضروري بهجوم الشعر خطوتنا نقيس .......... وان كان مش رح ترجعو تحمو الوطيس
رح تجبروني انزل الساحة انا كرمال عين الناس وعيون الحضير

بو خليل :
يا ابو مدين مين فينا طمعك .......... لومك على الحظ المعنا وقعك
لو كان اصغر من نبوعي منبعك .......... ومطعم الكلمة بجوهر مقلعك
ع قد ما تحكي انا ما بسمعك .......... وفي ساحة رجال الشعر ما بقشعك
ولو بتحب التحدي بالزجل .......... نادي العريس وجوقة القلعة معك

بو علي :
دوبل اسامة وعلى بو مدين دبل .......... متل اللي خلف بالحقد بعد الحبل
وشو خص محمد كلامك ت انجبل .......... ب هالحقل مالو لا زروع ولا سبل
وعادل ابن خداج لو طبلو طبل .......... من عهد ماضي سمع شعري وانهبل
اللي بيدق راسو بالمعلم بو علي .......... متل اللي جبينو دق في صخر الجبل

عادل :
ازكرت الجبل يا مجد الهوى .......... اتمخض جبل و الفقر شفنا بلا نوى
وع سيرة القلعة اللي عالي المستوى .......... هون احترمها وضل ماشي ع السوى
جايي لوحدي والفكر عمي روى .......... و ع ساحة المنبر اذا برضع لوى
لك المفروض انتو تنزلو ع المعركة .......... يا اربعة يا اتنين يا تلاتة سوى
"يعيد عادل ابياته مع اضافة بيت وتغيير بسيط في بعض الابيات"
المجروح منكم في الو عندي دوى .......... لو صوت عادل هون بالساحة دوى
حدي الجبل مجدك هوى .......... اتمخض جبل و الفقر شفنا بلا نوى
وع سيرة القلعة اللي عالي المستوى .......... هون احترمها وضل ماشي ع السوى
منها لوحدي جيت والراوي روى .......... وكل ما بساحة منبري برضع لوى
المفروض انتو تنزلو ع المعركة .......... يا اربعة يا اتنين يا تلاتة سوى

بو خليل :
اتنين وتلاتة واربعة مش مشكلِ .......... وواحد بكل قلعة بيخلق زلزلِ
لك شو هالحكايا المن زمان الارملِ .......... ضحكتني وناديت يا ليلى انخلِ
بتحكي ع القلعة يا بو الصوت الطلي .......... من هون ع القلعة بتذهب هرولِ
غربلتك وبعد الفحص والغربلِ.......... طلعت سايس خيل يوم المرجلِ
ونحن اذا قلنا يا دنيا اتزلزلِ.......... ويا خيل في ساح البلاغة اتحنجليِ
لا عادل بيقدر يعدل حملته ..........ولا بو علي بيطلع بي حربي بو علي

"يعيد اسامة البيتين الاخيرين مع تغيير بسيط"

ونحن اذا قلنا يا نيران اشعلي .......... ويا خيل امشي للمعارك حنجلِ
لا عادل بيقدر يعدل حملته ..........ولا بو علي بيطلع بي حربي بو علي


بو علي :
بو علي بيبقى بو علي بصوتو العريض .......... بيضة حمامة قبال باشق لا تبيض
وعادجل يابن خداج في شعر القريض .......... معروف انك اهبل وعقلك مريض
الشعر لو اتمخض وبدا شعرو يفيض .......... لحد السما بيوصلا الارض الحضيض
وكلمة اتمخض لا تقولا لبو علي .......... البدو يمخض بو علي لازم يحيض

عادل :
يا بو خليل العم تضيع موقعك .......... شو اللي الليلة بين ديي وقعك
بكعب قلعتنا يا بحصة منزرعك .......... ويا ما معود على المنابر اصرعك
ويا بو علي بهالليل شو اللي طمعك .......... تحكي حكي نسوان مش عم يقنعك
ولو قلت اهبل صرت لازم ودعك .......... يا اما بمحل سروح ارجع اودعك
لك هيدا صحيح اليوم عندك هالكلام .......... اهبل لاني جيت اتبارى معك


بو خليل :
ع مين بدك تعتبي يا موهبة .......... لومك على السبع المتحدي ظبي
وبحصة بتسند خابية بهالتجربة .......... وقلعة جنابك من زمان مخربة
ان كانت متل خيبر حصينة وهيبة .......... الداعي علي راعي الزنود الطيبة
ويا بو علي بيضة حمامة مناسبة .......... رح جاوبك يا صاحب الطبع الابي
بيني وبينك في فرق بالموهبة .......... ماي متل الجهل والمكتبة
ومتل الغراب الكلفو مرسال نوح .......... وبيضة حمامة سكرت غار النبي

بو علي :
ضلك حمامة للهديل و الزكزكة .......... وحد النسر اياك تعمل فزلكة
نسر الزجل ما بيخسر ولا معركة .......... عندو فهم مع عبقرية وتكتكة
ويا عادل اللي جيت تعمل برمكة .......... وتسابق ملوك الزجل ع المملكة
شو مفتكر ع كبر عقلك متكة .......... ومضيت هالسهرة بدجل مع حيلكة
هي عادة المجنون ما بين البشر .......... بيعتبر حالو نبي واكبر زكي

عادل :
لك للموهبة لما حضر شلالها .......... عليكن بواب الشعر سكرت غالها / قفلت غالها
ولما المنابر شغلت غربالها .......... وحدو بقي خداج بين غلالها
وقضيت سهرة حيلكة من حالها .......... ت ارواحكن ما تنقفل امالها
ويا بو خليل الكلمتك موالها .......... زكرت البحصة وخابية بمجالها
لك بحصة ان بتسند خابية .......... افضل كتير من خابية مش عم بتسند حالها

بو خليل :
ما بين بحصة وخابية الله رماك .......... برهن يا عادل عن رفاعة مستواك
لما بترتاح البلاغة من بلاك .......... لما بلا ما تلومني بقلك بلاك
ما احملت هالبحصة ولا ناوي ازاك .......... من مبتداك منعرفك شو منتهاك
والخابية لوحدها خليتها حتى اذا فليت كسرها وراك

بو علي :
عادل وقت ما هل قلنا هلتو .......... متل القمر حلوة علينا طلتو
وموس الحلاقة ليش ايدو بلتو .......... حتى جبرني عن مقامو سلتو
وانت واسامة اللي مطرز حلتو .......... الشاعر البيوقع بايدي ما بفلتو
بو علي شاعر للبلاغة محبتو .......... واقوا من المدفع الناري كلمتو
ولولا على الشعار وجه كلتو .......... بينسى الشاعر مذهبو وشو ملتو
وكرم الزجل بهالليل بدي ملتو .......... والغصن الما بيعطي مجاني شلتو
ورح غربل الشعار حتى منبري .......... ينضف ويخلص من زوانا وغلتو

"يقاطع بو خليل دور عادل"

بو خليل :
يا حامل الكلة على المنبر معك .......... لعب الكلل يا جار صار بينفعك
ما فزعت نسور السما من مقلعك .......... ولا بتقدر تروي العطاشا بمنبعك
قاصد تسلتنا ومين الدافعك .......... ومين اللي بمنبرنا اللي مبجل طمعك
كل ما فتحنا للجواهر سوقها .......... الا كلام رخيص ما بيطلع معك

"يقاطع بو علي دور عادل ايضا"

بو علي:
دوبلت ع عادل ليش يا بو الشباب .......... لا تفتكر بتفوز في سرعة جواب
بتعرف بيوتي نور وبيتك ضباب .......... ان كنت المعري ما منحسبلك حساب
ولو كنت سليت اليمانة من القراب .......... لا سيفك بينفع ولا بيقطع رقاب
ان حطو الميزان والوزن يوم الانتخاب .......... بو علي شاعر وانت عازف ع الرباب
من بو علي كم شاعر تقهقر وشاب .......... وعض الاصابع بالندامة ع النياب
وتيأكد الجمهور من بعج الحراب .......... وسفك الدراري المتل درة بالعباب
شاعر معلم للقلم والمكتبة .......... وشاعر معلم للعصاية وللجراب

عادل :
ولك رحمة بعقول القاصية و الدانية .......... حاجي حكي فاضي وسيوف الجانية
مو اصل انتو تجاوبو من ثانية .......... الاصل ردتنا معاني جانية
ويا بو علي سيوف شرك حامية .......... ع الخابية بتحكي معاني عالية
من الخوف حضرتك كسرتها .......... حتى ما ارجع ليك مرة تانية

بو خليل :
ان حميت سيوفي عليك في هالمخمصة .......... بتصير ترجف متل خصر الراقصة
ويا بو علي حروف الدهب ما تنحصى .......... لا تقارن الدرة التمينة بالحصى
رديت ردي للزميل مخصصة .......... ومحصة بمعناتها وملخصة
ازكرت العصا وعقلك على المنبر عصا .......... وفي شاعر وصية لنا باسمو وصا
لك يرحم ابو الطيب زعيم الشعر .......... اياك تقني عبد ما تقني عصا

"يعيد بو خليل ابياته مع تغيير بسيط"

ويا بو علي هديتك هدية مخصصة .......... ومحصة بحروفها وملخصة
لك يرحم ابو الطيب شو قال بحكمتو .......... اياك تقني عبد ما تجبلو عصا

بو علي :
يا بو خليل اتجاوزت هالمرحلة .......... وانت كبيرة عليك تتحدى الي
من شعر بو الطيب لا تعمل مرجلة .......... عطيني كلامك من بيوت مرسملة
وبشعر بو الطيب معي لا تنجلي .......... وتصف من شعرو وكلامو المخملي
الشاعر اذا ما كان شعرو قنبلة .......... ومن كلمتو بالارض يعمل زلزلة
الشاعر الما قادر ع جوادو يعتلي .......... حدو على ديار الهفا ودار البلي
"يصفن بو خليل قليلا ويكمل بو علي تعليقا على صفنة بو خليل "
شو صايبك زعلان عم تغلي غلي .......... عليي بعين خضرا لا تعمل بلبلة
لا بالحكي عم تعرف ترد الحكي .......... ولا بالعصاية فيك تلقى بو علي

عادل :
يا شعر رجع انت ع المنبر خليل .......... يا رجع الشحرور اسعد بو نبيل
لما رحل عن منبري عيار التقيل .......... بلشت ابكي دم ع اول رعيل
وكرمال سوريا ول هالمجد الاصيل.......... جايي تغني شعر لكن ما بميل
بس المصيبة من هبل خيي الهبيل .......... بسمع كلام ما بين قاييل وهبيل
لك حاجي يا جب الزعتر تداري النخيل .......... وع البحر حاجي تشد حالك يا سبيل
لك شفت اتنين وقلت ما برضح جميل .......... لا الشعر راضيني ولا المنظر جميل
لك لا بو خليل عم يفهم على بو علي .......... ولا بو علي عم يفهم على بو خليل

"يسرع بو خليل بالاوف فيوقفه عادل بسرعة ( بسبب طلب عدد من الحضور ب اعادة ابياته ) فيعيد عادل ابياته مع اضافة بيت في البداية مع تغيير بسيط"

روق يا طفل الشعر ع مجالو الطويل .......... خيول العرج ما بتقدر تسابق اصيل
يا شعر رجع انت ع المنبر خليل .......... يا رجع الشحرور اسعد بو نبيل
ولما رحل عن شعرنا عيار التقيل .......... بلشت ابكي دم ع اول رعيل
وكرمال سوريا وهالشعب النبيل .......... جايي بعرس محمد وما اعتبت ميل
بس المصيبة من هبل حدي الهبيل .......... متل اللي بيحكي ما بين قاييل وهبيل
لك ما جيت ربحكن ب هالساعة جميل .......... لا في حكي بيرضي ولا منظر جميل
لك لا بو خليل عم يفهم على بو علي .......... ولا بو علي عم يفهم على بو خليل

بو خليل :
اتريك التنين وانت بالميدان .......... طوف تا نشوف شو عندك فهم يا فيلسوف
افتحتلكن باب المضافة يا ضيوف .......... انتو اللي دقيتو المضافة بالسيوف
اتطريت سكرها وب هالميدان طوف .......... ورجع شمس عمرك بعد ميل الخسوف
اخلقت المضافة افتحت باب المدرسة .......... تا تعرفو تحطو النقط فوق الحروف

بو علي
جايي على العملاق تهجم يا جنين .......... لا شفتك بيعيني ولا سامع انت مين
هو وانت مع بعضكن متكافلين .......... ما بتحرزو لوة شمالي ولا اليمين
الحمل ما بيحكي ان حكا سبع العرين .......... البيخلي الاطفال شايبين
وكون ع الزعتر ازا بتحكي امين .......... من الزعتر بجبلك يا ساخن بنسلين
واعملت حالك نخل بين الغانمين .......... وانت متال عبوش ما عندك حنين
جايي بروكز وبشحرورك تستعين .......... ونخل اللي الله يرحمو بقبرو الدفين
اياك تنسى بو علي عامل كمين .......... بتدخل بحص ع المطحنة بترجع طحين
ونحنا ما منحارب جماعة مقعدين .......... ولا بالنميمة حاضرين وغايبين
الله خلقني بالشعر ما استكين .......... وبيوت شعري ع البلاغة مفضلين
بالارتجالي بتركعولي كلكن .......... ما عاد تفرق ميتين وطيبين
بالارتجالي بتركعولي كلكن .......... اجتمعو عليي ميتين وطيبين

عادل :
يا بو علي اشبعنا كلام البلطجة .......... العملاق مني بالبلاغة ما نجي
مفروض اكل زعتر بصوتي الشجي .......... حتى القوافي تصير هون ملوهجي
بسمع حكي خلفو عقول مبنجة .......... بيخجل ع نقلو كل ساير بسطجي
ولما عسوريا بشعري بلتجي .......... قصدي بجي ع هيك قلعة مسيجة
كرامة سوريا وشعبها وحافظ اسد .......... لا مش كرامة هالشبيبة عم اجي

بو خليل :
لو زرت سوريا بنية فاضلة .......... تكرم عيونك انت ع كتافي اعتلي
ولو زرت سوريا بنية باطلة .......... بتموت موتة عن طريق الارملة
ويا بو علي تا الخيل ترقص حنجلي .......... ونقول ع الشبين يا ليلى انخلي
قاصد تركعني بهالعرس الطلي .......... رح بركع وخلي ضبابك ينجلي
لك بركعلك وبقول صار وقت الدبح يا بو علي

بو علي :
لما تجينا ضيف منمك حنان .......... ولما بتجي للحرب منشد العنان
استنجدت في حافظ اسد سلطان الزمان .......... وبشعب سوريا الوفي عليك الامان
جايي تجربني وتعمل امتحان .......... بالاماتحان المرئ يكرم او يهان
ويا اسامة الجيت تحكي بعنفوان .......... مش محرزة في دمك نبل السنان
ع بو علي الاستاذ لا تعمل رهان .......... مش خرجك المنبر يا لاعب كشتبان
بتعرف كلامي من الزهر و البيلسان .......... وزندي متل سيف المجلخ والسنان
وبتقول كلمة بلطجي وشامخ كمان .......... بفرجيك ع هالبلطجة شهود العيان

عادل :
اعتدنا ع منطق شعرنا الما ابدعو .......... البيجوع الكلمات الله يجوعو
لك شعب سوريا اللي بعرف مقلعو .......... يعني شعب لبنان زاتو موقعو
لك ليش للتاريخ مش عم ترجعو .......... تشتو ع شبر مي وعم بتضيعو
لك مقاومتنا لليهود منصرعو .......... وبجيش تشرين العدو منركعو
لك نحنا شعب واحد بسلم ومعركة .......... لسان البيفرق قطع لازم نقطعو

"يبدأ بو خليل وبو علي بالاوف سويا فيقاطعهما عادل ويعيد ابياته مع اضافة بيت اخر "

لما بعيد الشعر لازم تسمعو .......... وتتعلمو قدام مني تركعو
اعتدنا ع منطق شعرنا الما ابدعو .......... البيجوع الكلمات الله يجوعو
وشعب سوريا اللي بعرف مقلعو .......... يعني شعب لبنان زاتو موقعو
لك مقاومتنا لليهود منصرعو .......... وبجيش تشرين العدو منركعو
لك نحنا شعب واحد بسلم ومعركة .......... لسان البيفرق قطع لازم نقطعو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zez1985@hotmajl.com
غـرور أنثـى
Admin
avatar

عدد الرسائل : 2170
الموقع : دمشق
sms : بما أن الصمت أقوى لغات العالم
والدمع أبلغ لغات العالم
فسألتزم بهما على همومي

تاريخ التسجيل : 06/12/2008

مُساهمةموضوع: رد: حفلة زجل ثلاثية   الأربعاء أكتوبر 07, 2009 3:01 am

ياسلام كتير حلوين تسلم ايدك لعنون

جاية على بالي احضر حفلة زجل بس بشرط يكون محمود مشارك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hams-nbk.ba7r.org/forum.htm
لعيون الشبح



عدد الرسائل : 161
sms :
تاريخ التسجيل : 17/06/2009

مُساهمةموضوع: رد: حفلة زجل ثلاثية   الأربعاء أكتوبر 07, 2009 3:22 am

مشكوررررررررررررررررررررررررررررررررررررررا على مرورك

بس ولله محمود اذا بيفكر يقول شعر ولله لمنبر بينتحر

وببطل يستقبل ولا شاعر بكسرو الدف وببطلو الشعر
ههههههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zez1985@hotmajl.com
غـرور أنثـى
Admin
avatar

عدد الرسائل : 2170
الموقع : دمشق
sms : بما أن الصمت أقوى لغات العالم
والدمع أبلغ لغات العالم
فسألتزم بهما على همومي

تاريخ التسجيل : 06/12/2008

مُساهمةموضوع: رد: حفلة زجل ثلاثية   الأربعاء أكتوبر 07, 2009 3:35 am

يييييييييييييييي لواه لواه شوفو مين عم يحكي ليش انت مين اخد رايك الهي اعدمك شو عديم نظر

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hams-nbk.ba7r.org/forum.htm
لعيون الشبح



عدد الرسائل : 161
sms :
تاريخ التسجيل : 17/06/2009

مُساهمةموضوع: رد: حفلة زجل ثلاثية   الأربعاء أكتوبر 07, 2009 3:43 am

لواه لواه عساس انتي الي فهموني

طيب يافهموني مين الملك في هل حفلي

لشوف بيتخد رايك ولا لاء

يلالالالالالالالالالالالالالالالالالالالالالالالالالالالالالالالالالالالا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zez1985@hotmajl.com
شامي عتيق

avatar

عدد الرسائل : 195
العمر : 26
الموقع : www.freedom.co,
sms : مالنا غيرك يا الله
تاريخ التسجيل : 04/04/2009

مُساهمةموضوع: رد: حفلة زجل ثلاثية   الأربعاء أكتوبر 07, 2009 10:24 am

مشكور على حفلة بس على فكرة انا حاضر حفلة لأبو علي واسامة بالمعرونة اذا بتعرفوها
تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لعيون الشبح



عدد الرسائل : 161
sms :
تاريخ التسجيل : 17/06/2009

مُساهمةموضوع: رد: حفلة زجل ثلاثية   الخميس أكتوبر 08, 2009 5:52 am

هلا وغلا فيك في صفحتي حبيب البي شامي منوررررررررررررررر

اي شامي بعرفها

انا كل حفلات اسامة السمرة بعرفه

ا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zez1985@hotmajl.com
 
حفلة زجل ثلاثية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الاقسام الرئيسية :: منتدى المـواويـل والعتـابـا-
انتقل الى: